Ursula Weidenfeld

URSULA WEIDENFELD, e lindur në vitin 1962, studioi histori ekonomike, gjermanistikë dhe ekonomi politike në Bon dhe Mynih. Ndër të tjera, ajo punoi si korrespondente e revistës Wirtschaftswoche në Berlin, si dhe si shefe e sektorit të ekonomisë dhe zëvendëskryeredaktore e gazetës Der Tagesspiegel, me seli në Berlin.

Aktualisht punon si gazetare e pavarur e specializuar në çështjet ekonomike, si dhe si moderatore dhe komentatore për radio dhe televizione. Në vitin 2007, Ursula Weidenfeld u nderua me çmimin Ludwig-Erhard për publicistikën ekonomike. Në vitin 2017, botoi librin Regierung ohne Volk (Qeveri pa popull).