Autor
Botime të Reja
Rreth Nesh
Astrid dhe Nikol kanë qenë shoqe të pandara pothuajse gjatë gjithë jetës. Bëjnë gjithçka bashkë dhe duken sikur asgjë nuk mund t’i ndajë.
Por gjithçka ndryshon kur Astrid zbulon garën me patina dhe regjistrohet në kampin veror të këtij sporti. Nikol zgjedh një kamp kërcimi dhe papritur, për herë të parë, dy shoqet më të mira nisin të ecin në rrugë të ndryshme.
Për Astrid fillon vera më e vështirë e jetës së saj. Ajo duhet të përpiqet të qëndrojë në hap me vajzat më të mëdha në kamp, të përballet me frikën se po humbet shoqen e saj më të mirë dhe, ndërkohë, të krijojë një miqësi të re.
Ndërsa vera shkon drejt fundit, afrohet edhe ndeshja e saj e pare – dhe bashkë me të, fillimi i shkollës.
Astrid kupton se ndoshta është më e fortë nga sa mendonte. Mjaftueshëm e fortë për një ndeshje, për një miqësi që ndryshon dhe për një fillim të ri.
Vajza mbi patina është një roman grafik frymëzues për miqësinë, guximin dhe forcën për të qenë vetvetja!miqësinë, këmbënguljen dhe guximin për të gjetur veten.
Një histori perfekte për vajzat që po rriten dhe po zbulojnë se të bëhesh më e fortë nuk do të thotë të mos kesh frikë – por të vazhdosh përpara edhe kur ke frikë.
Fitues i medaljes Newbery dhe bestseller i New York Times, si dhe 14 çmimeve të tjera.
Victoria Jamieson është shkrimtare dhe ilustruese amerikane. Ajo u rrit në Pensilvani dhe e filloi aventurën e saj me librat që në klasën e tretë, kur shkroi dhe ilustroi librin e saj të parë: SUPER COW! Libri ishte një sukses i madh... të paktën sipas kritikës më të rëndësishme të asaj kohe: mësueses së saj! Ndërsa koleksionistët e parë ishin... prindërit e saj.
Kur ishte dymbëdhjetë vjeçe, familja e saj u shpërngul në Florida. Gjatë një vizite në Disney World, Victoria u mahnit duke parë nga afër ilustratorët dhe animatorët duke punuar.
Ajo studioi në Rhode Island School of Design dhe më vonë zbuloi se dashuria e saj e vërtetë ishte ilustrimi. Sot Victoria jeton në Pensilvani me bashkëshortin, djalin dhe macen e saj tekanjoze, Sharon.
Victoria Jamieson vazhdon të krijojë histori që i bëjnë fëmijët të qeshin, të ëndërrojnë dhe të besojnë te vetja.