Autor
Botime të Reja
Rreth Nesh
Shtëpia e pabesueshme në pemë e Andit dhe Territ, gjithnjë në zgjerim, ka 13 kate të reja. Ajo përfshin një kat për çarje shalqiri, një makineri dallgësh, një lojë gjarpërinjsh dhe shkallësh me përmasa reale (me shkallë të vërteta dhe gjarpërinjtë e vërtetë!), një raketë karota- hedhëse, një Akademi Trajnimi të Kërmijve Ninxha dhe një agjenci detektivësh të teknologjisë së lartë, me gjithë teknologjinë më të fundit të këtyre detektivëve, që mund të quhet goxha fat. Atyre u duhet të zgjidhin një mister mjaft të madh - ku gjendet zoti Hundëmadh???
Atëherë, çfarë po prisni? Ngjituni lart! Historia vazhdon…
Një aventurë plot fantazi, miqësi dhe humor, e duhura për fëmijët që pëlqejnë librat me ilustrime dhe histori plot situata të papritura.
Andy Griffiths është shkrimtari numër një në Australi për librat për fëmijë. Librat e tij, përfshirë edhe këtë seri shumë të njohur, kanë pasur një sukses të jashtëzakonshëm ndërkombëtar. Ata kanë fituar çmime dhe janë bërë bestseller në Mbretërinë e Bashkuar dhe në SHBA, si edhe në vendlindjen e tij, Australi.
Andy ka punuar si mësues në shkollë të mesme, ka qenë këngëtari kryesor i një grupi rrok dhe gjithashtu komedian stand-up.
Ai është një nga shkrimtarët që punon fort për të ndikuar në shoqëri mbi vlerën e leximit dhe edukimit letrar. Ka dy vajza dhe jeton në Melbourne, Australi.
Terry Denton është një nga ilustruesit dhe autorët më të njohur australianë të librave për fëmijë. Ai dhe Andy Griffiths kanë bashkëpunuar në shumë libra, veçanërisht në këtë seri të jashtëzakonshme.
Në këtë seri, Andy shkruan tekstin, ndërsa Terry krijon ilustrimet, të cilat janë një pjesë shumë e rëndësishme e humorit dhe histories plot aventura.