Autor
Botime të Reja
Rreth Nesh
Një histori e bukur dhe bestseller për miqësinë, familjen dhe ëndrrën për të gjetur fustanin perfekt, nga shkrimtarja e dashur Jacqueline Wilson.
Tili ka ëndërruar gjithmonë të bëhet shoqëruese e nuses... Ajo nuk u beson syve kur shoqja e saj më e mirë, Mati, zgjidhet për të qenë shoqëruese e nuses. Në ëndrrat e saj më të bukura, Tili imagjinon veten me një fustan magjepsës, duke ecur në korridor pas nuses.
Por dasma që ajo do të donte më shumë të merrte pjesë është dasma e prindërve të saj – vetëm se duket sikur kjo nuk do të ndodhë kurrë. Kështu, Tili vendos të realizojë vetë ëndrrën e saj. Ajo vendos një njoftim në dyqanin e lagjes, duke ofruar shërbimet e saj si shoqëruese nuseje. Dhe, për habinë e saj, dikush i përgjigjet...
Një histori plot humor, ngrohtësi dhe emocione, që tregon vlerën e miqësisë, familjes dhe guximin për të ndjekur ëndrrat.
A do ta çojë Tili deri në fund ëndrrën e saj për të qenë shoqëruese nuseje? A do të zbulojë ajo se çfarë do të thotë vërtet të jesh një shoqe e mirë?
Jacqueline Wilson shkroi romanin e saj të parë kur ishte vetëm nëntë vjeç dhe që atëherë nuk ka reshtur së shkruari. Sot, ajo është një nga autoret britanike më të suksesshme dhe më të dashura të librave për fëmijë. Ajo ka shkruar mbi 100 libra të cilët janë shitur më shumë se 40 milionë kopje.
Përveç vlerësimeve me shumë çmime për librat e saj, përfshirë Children’s Book of the Year, Jacqueline ka qenë edhe Ambasadore e fëmiijëve në Mbretërisë së Bashkuar. Në vitin 2008, ajo u nderua me titullin Dame. Jacqueline është gjithashtu një lexuese e apasionuar. Ajo ka krijuar një bibliotekë personale me mbi 20,000 libra, së bashku me koleksionin e saj të famshëm të unazave prej argjendi.
Nick Sharratt ka shkruar dhe ilustruar shumë libra për fëmijë. Nick ka pasur gjithashtu një sukses të madh duke ilustruar librat e Jacqueline Wilson. Ai ka fituar çmime të shumta për librat e tij me ilustrime. Nick jeton në Hove, Angli.