Autor
Botime të Reja
Rreth Nesh
Libri i parë i serisë jashtëzakonisht gazmore dhe të ilustruar për fëmijë, nga autorja bestseller Katie Kirby!
Lottie Brooks është 11 vjeç e treçerek dhe mendon se jeta e saj tashmë ka marrë të tatëpjetën! Së shpejti do të nisë shkollën dhe nuk ka asnjë shoqe, as flokë të bukur që lëkunden bukur dhe, për më tepër, sapo ka zbuluar se është ende shumë herët për të veshur sutiena!
Ndoshta zgjidhja më e mirë është të heqë dorë nga gjithçka dhe të futet në gjumë letargjik bashkë me hamsterët e saj. Por Loti nuk dorëzohet kaq lehtë. Me ditarin e saj privat krejt sekret dhe një mal me çokollata KitKat, Loti merr përsipër festat, lëndimet, miqtë e rinj më të mirë dhe disa momente plot sfida.
Me shumë humor, ilustrime gazmore dhe plot situata në të cilat çdo fëmijë në moshën e Lotit mund të gjejë veten. Për lexuesit që pëlqejnë Ditarët e Peshkopes apo Ditari i Greg.
KATIE KIRBY është shkrimtare dhe ilustruese e cila jeton në bregdet në Hove me bashkëshortin, dy djemtë dhe qenin Sasha. Ajo është diplomuar për reklamë dhe marketing, dhe pasi kaloi disa vite duke punuar në agjencitë mediatike të Londrës, një punë që përfshinte kryesisht frekuentimin e restoranteve luksoze dhe shtirjen e ekspertizës – ajo u bë nënë dhe vendosi të hapte një blog të titulluar "Hurrah for Gin", duke u fokusuar në absurditetin e plotë të gjithçkaje, veçanërisht në sfidat e të qenit prindër. “Jeta plot sfida e Loti Bruks” është romani i saj i parë. Libri është përkthyer në 17 gjuhë.