Homo Deus – një histori e shkurtër e së nesërmes

Yuval Noah Harari, autor i librit më të shitur në botë, “Sapiens: Një histori e shkurtër e njerëzimit”, përfytyron botën në një të ardhme jo shumë të largët, kur ne do të përballemi me një sërë sfidash.

Sapiens na tregon prej nga vijmë, Homo Deus na tregon ku do të shkojmë.

Homo Deus eksploron projektet, ëndrrat dhe makthet që do t’i japin formë shekullit të njëzetë e një e më tej – që nga mposhtja e vdekjes e deri te krijimi i jetës artificiale. Ai shtron disa pyetje nga më themeloret, të tilla si: Ku po shkojmë? Si mund ta mbrojmë botën tonë të brishtë nga fuqia jonë shkatërruese? Dhe çfarë fsheh e ardhmja për njerëzimin.

“… Inteligjenca artificiale po përvetëson me të shpejtë aftësitë tona konjitive. Nuk do të jetë e largët dita kur kompjuterat do t’i ngasin makinat më mirë se njerëzit, do të diagnostikojnë sëmundjet, do të zhvillojnë beteja luftarake, madje do të arrijnë të kuptojnë më së miri emocionet njerëzore. Çfarë do të ndodhë me shtetin social kur kompjuterat do të nxjerrin nga tregu i punës miliona njerëz, duke krijuar kështu një ‘klasë të re’ masive të padobishme? Ç’do të bëhet me lirinë njerëzore në qoftë se korporatat dhe qeveritë mund të zhbirilojnë me lehtësi në jetën e qenieve njerëzore, dhe arrijnë të na njohin më mirë se e njohim ne veten tonë? …”

Lufta është jashtë mode. - Ka më shumë gjasa të vrasësh veten se sa të vritesh në luftë.

Uria po zhduket. - Mund të rrezikohesh më shumë nga obeziteti se sa nga uria.

Vdekja është thjesht një problem teknik. - Zhduket barazia, por vjen pavdekësia.

Çfarë fsheh e ardhmja për njerëzimin? - Kjo është etapa pasardhëse e evolucionit.

KY ËSHTË HOMO DEUS

Nga i njëjti autor lexo edhe:

Sapiens – Një histori e shkurtër e njerëzimit ; Nexus ; 21 leksione për Shekullin 21;