Autor
Botime të Reja
Rreth Nesh
Katër fëmijë mbeten të bllokuar në pyllin e Amazonës pasi avioni me të cilin udhëtonin rrëzohet. Ata duhet të gjejnë një mënyrë për të mbijetuar në një nga vendet më të egra dhe më të rrezikshme në botë.
Të katër duhet të bëhen bashkë për t’ia dalë. Por në Amazonë asgjë nuk është e lehtë. Ka piranja, kafshë të rrezikshme, uri dhe... ushqime që nuk do t’i hanin kurrë në kushte normale – fruta të egra dhe madje edhe insekte!
Kur Fredi gjen një hartë të vjetër, gjithçka ndryshon. Tani kanë një drejtim dhe një arsye për të shpresuar. Me një trap të ndërtuar vetë, fëmijët nisen përgjatë lumit, duke ndjekur shenjën në hartë. Por ajo që i pret në fund të udhëtimit është diçka që asnjëri prej tyre nuk mund ta kishte imagjinuar.
Një aventurë emocionuese për guximin, miqësinë, bashkëpunimin dhe forcën për të mos u dorëzuar, edhe kur duket se gjithçka ka shkuar keq.
KATHERINE RUNDELL ka lindur në vitin 1987. Fëmijërinë e ka kaluar në Afrikë dhe Europë, vende që e kanë frymëzuar për të shkruar librat e saj. Ajo është autore e shumë librave të dashur për fëmijë. Librat e saj janë përkthyer në 40 gjuhë.
Kur nuk shkruan, Katherine pëlqen të ecë mbi litar dhe të endet në çatitë e kolegjeve të Oksfordit. Një autore që duket se e jeton aventurën po aq sa personazhet e librave të saj!
Hannah Horn është një ilustruese nga Anglia. Ajo ka studiuar në Londër dhe i pëlqen të krijojë figura e personazhe me vizatime, piktura dhe teknika të ndryshme. Eksploruesi ishte libri i saj i parë për fëmijë. Me ilustrimet e saj, Hannah sjell në jetë pyllin e Amazonës dhe aventurat e katër fëmijëve që përpiqen të mbijetojnë në të. Kur vizaton, duket sikur çdo faqe kthehet në një aventurë të re!