Autor
Botime të Reja
Rreth Nesh
Ku po shkon kapitalizmi?
Në këtë libër ambicioz, me ide dhe qasje të reja, Paul Collier—një nga ekonomistët më të shquar britanikë—analizon me imtësi dështimet e kapitalizmit bashkëkohor. Ai përqendrohet te hendeku gjithnjë e më i thellë që ndan të shkolluarit nga shtresat më pak të arsimuara, metropolet e zhvilluara nga provincat në rënie, si dhe vendet e pasura nga bota në zhvillim.
Autori argumenton se, me zgjerimin e këtyre përmasave, shoqëria ka humbur ndjenjën e detyrimit etik ndaj tjetrit—një vlerë që ishte thelbësore për lindjen dhe suksesin e social-demokracisë në periudhën e pasluftës.
Përmes një gjuhe plot pasion dhe frymë polemizuese, Collier rrëzon iluzionet e ideologëve dhe retorikën e populistëve. Ai propozon zgjidhje jashtëzakonisht origjinale, pragmatike dhe të bazuara në parime të forta morale.
Duke ndërthurur vizionin e tij me idetë e shkencëtarëve socialë më të shquar në botë, Collier na tregon rrugën se si ta shpëtojmë kapitalizmin nga vetvetja, duke u çliruar njëherë e mirë nga dogma dhe paragjykimet intelektuale të shekullit XX për të garantuar një prosperitet të përbashkët.
Paul Collier është profesor i Shkencave Ekonomike dhe Politikave Publike në Shkollën Blavtnik të Qeverisë në Oksford. Ai është autor i “Bottom Billion”, i cili ka fituar çmimin Lionel Gelber dhe çmimin Arthur Ross, të akorduara nga Këshilli për Marrëdhëniet me Jashtë, i librave “The Plundered Planet”,
“Exodus and Refuqe” (me Alexander Betts). Collier ka qenë drejtor i Departamentit të Kërkimeve të Bankës Botërore, si dhe konsulent i qeverisë gjermane dhe shumë qeverive të tjera në botë.