Autor
Botime të Reja
Rreth Nesh
Udhëzues për fëmijë: si të mposhtin ankthin social
Klounët bëjnë numra cirku që na bëjnë të shkrihemi së qeshuri. Veshin rroba me ngjyra të ndezura, këpucë të mëdha, paruke e kapela shumëngjyrëshe. E ke vënë re sa u pëlqen atyre që njerëzit i shohin dhe qeshin me ta?!
Shumë fëmijë ndihen të druajtur kur të tjerët i vënë re. Por disa prej këtyre fëmijëve vuajnë vërtet kur janë në qendër të vëmendjes. Mos ngjajnë pak me ty?
Nëse edhe ti ndihesh tepër i druajtur apo nervoz shumë shpesh, ose nëse nuk merr pjesë në veprimtari të këndshme ngaqë merakosesh se çfarë mund të mendojnë të tjerët, atëherë ky libër është për ty!
Udhëzuesi Ç’të bësh kur ndihesh tepër i druajtur nuk është thjesht një libër që u thotë fëmijëve “mos ki turp”. Por ju mëson konkretisht si ta kuptojnë ankthin, si të dallojnë reagimet e trupit, si të sfidojnë mendimet shqetësuese dhe si të përballen me situatat që i trembin.
Claire A. B. Freeland është psikologe klinike dhe autore e vlerësuar me disa çmime, e vlerësuar për librat e saj për fëmijë dhe adoleshentë. Në librat e saj, në bashkëautorësi me Jacqueline B. Toner, ajo trajton tema të rëndësishme të botës emocionale të fëmijëve që i ndihmojnë ata të përballen me frikën, zilinë, xhelozinë dhe sfidat e përditshme. Disa nga librat e saj janë përkthyer në disa gjuhë.
Jacqueline B. Toner është psikologe klinike në Baltimorë, Maryland, me mbi tridhjetë vite përvojë në praktikën e punës me fëmijë dhe prindër. Së bashku me psikologen Claire A. B. Freeland, është bashkautore e disa librave praktikë dhe edukativë, ndër të cilët spikat seria Ç’të bësh, që i ndihmon fëmijët të kuptojnë dhe të përballojnë emocione dhe vështirësi të ndryshme, si frika, xhelozia, ankthi social dhe frika nga gabimet.
Librat e saj ndërthurin njohuritë e psikologjisë me ushtrime dhe këshilla praktike, duke u ofruar fëmijëve dhe prindërve mjete konkrete për të zhvilluar vetëbesimin, qëndrueshmërinë emocionale dhe aftësitë për të përballuar sfidat e përditshme.
Janet McDonnell është autore dhe ilustruese amerikane, e njohur për punën e saj në librat për fëmijë. Me një përvojë të gjatë në fushën e edukimit, ajo ndërthur ndjeshmërinë ndaj botës së fëmijëve me krijimtarinë artistike, duke ilustruar libra që trajtojnë emocione, marrëdhënie dhe sfida të përditshme të fëmijërisë.