Autor
Botime të Reja
Rreth Nesh
“AKADEMIA E FUTBOLLIT” është një seri emocionuese me gjashtë libra, për lexuesit 7 deri në 12 vjeç. Tematika: bashkëveprimi, vetëbesimi, aftësitë e leximit dhe jeta në shkollë.
Leximi i lojës është libri i katërt i serisë.
Beni është shumë i lumtur që luan për United-in. Ai merr gjithnjë vlerësime maksimale nga trajneri. Por, çdo ditë në shkollë është një sprovë e rëndë për të se i duhet të përpiqet shumë për të fshehur një sekret nga mësuesit dhe shokët e tij.
Sekreti i tij fillon të ndikojë negativisht te loja në fushë. A do të arrijë ta kapërdijë krenarinë dhe të kërkojë ndihmë para se të përfundojë në stolin e rezervave përgjithnjë?
Mos iu nda topit këtë sezon – mos humb asnjë aksion të Akademisë!
TOM PALMER është shkrimtar anglez. Pas diplomimit ka punuar në biblioteka e librari dhe një nga fushat ku ai ka shprehur gjithnjë interes është futbolli. Librin e parë e botoi në vitin 2002 dhe vijon të botojë me sukses. Ishte pikërisht futbolli ai që e bëri të dashurohej me librat - dhe më vonë ai e ktheu këtë pasion në dhjetëra libra që kanë frymëzuar mijëra fëmijë të lexojnë.
Tom Palmer është vlerësuar me disa çmime nga juri të ndryshme si dhe nga lexuesit e vegjël. Veçanërisht seria Akademia e futbollit është përzgjedhur nga mësuesit si letërsi e rekomanduar në shkolla dhe për më shumë se gjashtë vjet nga lexuesit është vlerësuar si shkrimtari më i mirë.
Brian Williamson është ilustruesi i serisë “Akademia e futbollit” të shkrimtarit Tom Palmer. Ilustrimet e tij shoqërojnë historitë e futbollit, duke u dhënë jetë personazheve dhe aventurave të tyre.