Friendsat, të dashurat dhe gjëja e madhe e tmerrshme

Përshëndetje, emri im është Methju, megjithëse mund të më njihni me ndonjë emër tjetër. Miqtë më thërrasin Meti. Dhe duhet të kisha vdekur me kohë. Kështu fillon historia mbresëlënëse e aktorit të mirënjohur Methju Perri duke na çuar në udhëtimin e tij që nis me ambicien e fëmijërisë për t’u bërë i famshëm, te varësia nga droga, alkooli, duhani e deri te shërimi tij, dhe duke na njohur gjatë rrugës me Methjun pesëvjeçar, i cili udhëtoi nga Montreali në Los Anxhelos, duke e kaluar fëmijërinë mes prindërve të tij të ndarë; më tej na njeh me Methjun katërmbëdhjetëvjeçar, i cili në renditjen kombëtare në Kanada ishte një yll i tenisit, dhe Methjun njëzetekatërvjeçar, i cili në episodin e parë në komedinë gazmore Friends mori një rol të lakmuar si pjesëtar kryesor i grupit të aktorëve…
“Një libër me kujtime i shkruar me guxim, pa droje dhe pa zbukurime. Siç kuptohet, Methju Perri ka qenë njeri i guximshëm. Këtu na tregon për varësinë e tij nga droga, alkooli dhe duhani, për sëmundjen e tij dhe për vetminë që e shoqëroi gjatë gjithë jetës. Në fund të fundit, ky libër është i mbushur me plot shpresë për të ardhmen. Në qoftë se doni të dini kush është Methju Perri, lini mënjanë ndonjë libër të rëndomtë dhe lexoni këtë.”

MARTA KAUFMAN, bashkë-krijuese e komedisë gazmore të NBC-së Friends.